Dansk oversættelse 

Pinerluuteqarsimasut tarnikkut napparsimasut immikkoortortaqarfik R3 Risskov-imi

 

Uninngasut pinerluuteqarsimasut tarnikkut napparsimaviani R3-miittut Kalaallit Nunaaneersuupput.
Immikkoortortaqarfik Region Midt isumaqatigiissuteqarpoq Kalaallit Nunaanni Namminersornerullutik Oqartussat-llu uninngasuni katsorsaassasut, ukuninnga:

 ●  eqqartuussuteqartut tigummisassanngortinneqarlutik
 ●  eqqartuussuteqartut katsorsartinnissamut Danmark-imi 
     napparsimavimmi imal.
     taassuma ilutigalugu nakkutigisaasut
 ●  tarnikkut misissugassat
 ●  parnaarussassaraluit
 ●  arlaatigut peqquteqarlutik pittaanerusumik 
     katsorsartittariaqarpata

Uninngasut innersuunneqarnikuupput tarnikkut nappaatillit afdeling-ianiit A1-imi, Dronning Ingrid-iup napparsimavianiit imaluunniit Kalaallit Nunaanni politiinit.

A1-ip aaliangertarpaa kikkut uagutsinni katsorsartissanersut, qanimullu afdeling-i Nuummiittoq suleqatigilluarparput.

Eqqartuussuteqarsimaguit katsorsartinnissamut Danmark-imi napparsimavimmi imaluunniit taassuma ilutigalugu nakkutigineqarnissannut, katsorsartinnerit uagutsinni aallartissaaq. Naliliigutta, katsorsartinnerit Kalaallit Nunaanni nanginneqarsinnaasoq imaluunniit Kalaallit Nunaannut angerlarsinnaallutit, angerlartinneqassaatit. Unitseqqinneqarnissannut pisariaqartitsiguit R3-mut uteqqissaatit.

Eqqartuussuteqarsimaguit katsorsartinnissamut Danmark-imi napparsimavimmi, maaniiginnassaatit eqqartuussutigisavit allanngortinnissaata imaluunniit eqqartuussutigisat atorunnaarsinnissaata tungaanut.

R3-mi 18-nik uninngasunik inissaateqarpugut 15-niniit ukiulinik

Uagut immikkuullariffigaarput pinerluuteqarsimasunik tarnikkut napparsimasut immikkoortortaqarfia, katsorsaanikkut suliaralugu uninngasut tarnimikkut peqqisseqqinnissaat aammalu inuunermik pingaartumik isumalimmik pinerluuteqaratik inooqqilernissaanut.

Uagutsinnukaruit paasiteqqissaarneqassaatit immikkoortortaqarfitsinnit aamma periarfissanik neqeroorutigisinnaasatsinik.

Marlunnik aaliangersimasunik attavigisartagaqassaatit, uninganerit naallugu malinnaasussanik. Arlalinnik sulisoqarpugut qallunaatut kalaallisullu oqalussinnaasunik.

Immikkoortortaqarfik R3-mi uku sulisuupput, inunnik peqqinnissamullu sulisoq, perorsaasoq, niviarsiaq, nakorsaq, nutserisoq, isumaginninnermi siunnersorti, atuartitsisoq, tagiartuisartoq, pillorissaasoq, tarnip pissusiinik ilisimatooq aammalu allatsi.

Katsorsartinnissaq ilinnorpiaq aaqqissuuttarparput. Immikkoortortaqarfimmilu sammisassaqaqaaq, silami illullu iluani. Sammisassat tamarmik iisartagartorneq oqaluussisarnerullu saniatigut katsorsartinninnut ilaasuullutik, assersuutigalugu ukuusinnaallutik:

● nipilersorneq
● nukkassarneq
● film-erneq
● sullivimmi sulineq
● nerisassiorneq
● atuartinneqarneq

Pingaartitaraarput kalaallit kulturiat oqaasiilu

Afdeling-milu uku ileqquupput:
● kalaallit ullorsiorfii ullorsiutigineqarneri
● qaammammut ataasiarluta kalaaliminertortarneq
● Kalaallit Nunaanni ilaquttannut televideo-kkut attaveqartarneq (eqqartuussutitit aaqqippata)

Ukiorpassuit maaneereersimaguit eqqartuussuteqarlutit tigummisaallutit aammalu eqqartuussisutigisimasat allanngortinneqangajalerpat, nalinginnaavoq Kalaallit Nunaannut misiligummik sungiusaammik angalanissat. Tassani misigissavat, maaneereerluni qanoq innersoq ilaquttanut ilisarisimasannullu angerlarluni. Taammatuttaaq naapissavatit ilinnut tapersersuiumaartussat katsorsaasuusussallu.

 

Kontakt
Tlf. 7847 2580


Funktionsledelse:

Afdelingssygeplejerske
Flemming Østerby Kristensen

Overlæge:
Karen Aaling Mikkelsen